Sumla: Lachid Kachin

Shawng n’nan lang Rudi Amyusha Masa Lam sanglang hpawng hpe Wunpawng Mungdan Shanglawt Hpung KIO ginjaw woi awn nna tinang uphkang ginra Mai Ja Yang muklum e galaw wa sai re.

Jinghpaw mungdaw rudi amyusha ni hte seng ai ndai zuphpawng hpe April 28 ya kaw nna galaw hpang let May praw 2, dai hpawt daw du hkra ginchyum dat nna bra wa sai re.

Ndai lang, rudi amyusha lam hte seng ai sanglang ai lamang hpe gahpaw hku nna sha galaw ai lam, htawm de matut galaw sa wa na re lam chye lu ai.

Zuphpawng de Jinghpaw mungdaw rudi hpunau Sam Hkyeng amyusha ni law malawng sa du ai lam, chye lu ai.

KIO Ginjaw Komiti Tingnyang Up Malai, Dap Up Daju Du Kaba Nban La Awng hte KIC Ningbaw Malai-2 Du Kaba Sumlut Gun Maw yan hte laga ginjaw salang ni mung sa du wa sai re.

Myen asuya gaw Jinghpaw mungdaw kata, ya ten Sam hkyeng hpyendap (Shanni Nationalities Army, SNA) hte n-gawn hpyen (pyitusit) ni hpaw ai lam hta ladat jaw jaw hte hpyen masa mung masa n-gun jaw nga ten, ya na zawn KIO a rudi masa lam sanglang hpawng galaw wa ai lam re.