Myen-KIA Dinghku Majan


dinghkumajan

Nov. 29-2011 aten hkying 7 p.m.--- Bawm lahkawng lang matut manoi kapaw ai lam gaw Jinghpaw mungdaw mare daju Myitkyina, mawdaw pi-ke rung makau kaw byin wa sai lam, chyauman buga masha ni tsun ai.

November 22, 2011, aten jahpawt hkying 6
--- Sam mung jarit, Jinghpaw mungdaw Manmaw ginwang Manwin mare kaw Myen asuya hpyenla ni hpe KIA Dung 1 hpyenla ni sa gap ai hta, Myen hpyenla 3 si ai lam, myi-chyaw-sakse ni tsun ai.

November 22, 2011-- KIO Sinpraw Ginwang ginjaw Mai Ja Yang mare hta hpyen yen tsinyam masha ni dingyang du jat nga ai hta, mi 5,000 kaw nna ya 9,000 du sai lam, tsinyam lakawn lanawn ni tsun ai.

November 22, 2011, aten jahpawt hkying 8--- Manmaw, N'Mawk ninghtawn na KIA a Hpakawn Post hpe Myen asuya dap ni Nov. 17 ya shani madu la sai hpang, de a makau, Hkarawm Krung hta uhpung lahkawng lapran shani ting gasat poi ni byin wa sai.

November 22, 2011--- KIA Ginjaw Laiza a Sinna-dingda de deng 8 daram gang ai, N'Tap Bum hta Myen hte KIA dap lapran gap hkat lam ni dingyang byin nga ai lam chye lu ai.

November 21, 2011 jahpawt hkying 8 daram--- Lahta Sam mung Namtau makau Mazup Yang kaw Myen asuya hpyen hpung langai hpe KIA Dung 9 hpyenla ni hkap gap ai hta Myen 1 si, 3 hkala sai lam, buga masha ni tsun ai.  Hkala ai hta marai 2 gaw sawng nna, ya ten shanhte yawng Muse tsirung kaw du nga sai lam matut chye lu ai.