Myen-Shanglawt, Ja Ing Yang gasat gala hta Myen 4 si

September-6-2011-- Myen asuya dap hte KIA dap lapran Myitkyina-Manmaw lam, Nam San Yang a sinna maga Ja Ing Yang mare makau kaw Sept. praw 5 hte 6 ni hta, aten kadun gap hkat ai lam ni byin ai hta, asuya hpyenla 4 si ai lam, ginra buga masha ni tsun ai.


Bai, Myen hpyenla nkau mung hkala hkrum ai lam chye lu ai.

Ndai gasat gala lam gaw, Myen dap, Sinbo hpyendap Hk.L.Y 141 hte KIA Ginjaw Makawp Dapba 5 npu hpyen hpung lapran byin ai re lam, ginjaw Laiza na du salang ni shateng tsun ai.