Jinghpaw buga masha 100 jan, Miwa ga jarit makau de hpyen hprawng hprawng nga

June 12, 2011- Myen hte KIA majan byin nga ai, Sang Gang KIA dapdung 15 up hkang ginra kaw na Jinghpaw buga masha 100 jan gaw Miwa ga jarit makau de majan koi yen hprawng nga ai lam chye lu ai.

Bai nna, dum nta htinggaw 50 jan nga ai Sang Gang kahtawng masha ni mung June praw 9, lai wa sai mali ya kaw nna KIA Dung 15 ginra Dum Bung Krung de hprawng shingbyi nga ai lam, KIA salang ni tsun ai.