Jinghpaw Amyu Sha Ningsang Myit Jasat Ginsat Ai Lam


Jingpaw-rangers-hpyenla
Amyu sha myit jasat (national ideology) hte mahkri n shawn ai “mung masa hpungtang hpaji” gaw jawng laika sha rai nga ai. Dai majaw mung masa hpungtang hpaji chye ai hte chyu sha amyu langai a mung masa manghkang ni hpe tsepkawp gun kabai kau ya lu na n re. Amyu langai a sari sadang, masat masa, htung lai, makam lai hte tinang a lamu ga hta agrin, prat pra gan-ga nga na myit rawng ai, myit makun nga ai amyu sha ni a myit manaw hte myit jasat jasa she dai amyu a mung masa manghkang hpe hparan na ginjang majing rai nga ai.